0
Shares
नेपालमा पछिल्लो समय रियालिटी शो प्रति दर्शकको चासो पनि बढ्न थालेसँगै रियालिटी शोहरुको संख्या बढ्न थालेको छ। सोमबार ‘वसन्त पञ्चमी’ को शुभ अवसरमा रघुजी फिल्म्सले नयाँ रियालिटी शो ‘कमेडी किड्स’ को औपचारिक घोषणा गरेको छ।
काठमाडौँमा पत्रकार सम्मेलनको आयोजना गर्दै शोको औपचारिक घोषणा गरिएको हो। घोषणा कार्यक्रममा रियालिटी शो ‘कमेडी किड्स’ को लोगो सार्वजनिक गरिएको छ ।
बालबालिकाहरुलाई लक्षित गरि निर्माण गरिने शोमा चार देखि १४ वर्ष सम्म उमेर समुहकाले भाग लिन पाउने रघुजी फिल्म्सका संचालक रघुनाथ सापकोटाले बताए। फागुनको पहिलो साताबाट डिजिटल अडिसन खुल्ला गरिने पनि उनले बताए। सन्तोष खनालले निर्देशन गर्ने शोको जुरी टिम र अन्य टिम फाइनल हुन बाँकी रहेको छ।
डिजिटल पार्टनर ओएसआर डिजिटल र भोटिंग पार्टनरमा ओएसआर कनेक्टसंग सम्झौता भएको रघुजी फिल्म्सका संचालक सापकोटाले बताए। शो प्रशारण हुने टेलिभिजन फाइनल हुन बाँकी रहेको छ भने प्रतियोगितामा विजेताले नगद पुरस्कार प्राप्त गर्नेछन्।
